Sýnishorn af efnisgrind

Hér er sýnishorn af efnisgrind fyrir heimildaritgerð um þorska, með áherslu á hrygningu þeirra. Efnisgrindinni er skipt í 5 kafla, þar sem 1. kafli er inngangur og 5. kafli lokaorð. Í meginmáli eru svo þrír kaflar, hver með sitt heiti. ATH! Enginn kafli heitir meginmál. 

Köflum meginmáls er svo skipt í undirkafla eftir því sem þurfa þykir og þeir númeraðir í samræmi við það. Athugið að undirkaflar þurfa a.m.k. að vera tveir til þess að réttlæta slíka skiptingu.

Efnisgrind er lifandi skjal sem á að vera leiðbeinandi en ekki stýrandi og ekkert óeðlilegt við það að hún taki breytingum á meðan á ritunarferlinu stendur. Það er þess vegna ekkert því til fyrirstöðu að breyta röð atriða, fella eitthvað út eða bæta einhverju við.