Verkefni 1

Samskipti – Sjálfstraust

Verkefni 1

Lesefni: Lesið glærurnar um sjálfstraust. 

Lesið greinarnar sem fylgja: s.s. Hvað er sjálfsmynd, Hvað er sjálfsstyrking, hvernig er best að byggja upp gott sjálfsöryggi? Hvað er heilbrigt sjálfsmat? 

Svarið eftirfarandi spurningum:

1. A)Hvað merkja orðin hér fyrir neðan? Skrifaðu þínar vangaveltur um orðin, getur líka leitað að efni um þau.

   B) Hvernig metur þú sjálfan þig í þessum orðum, s.s. hvernig sjálfstraust, sjálfsvirðing og svo frv. telur þú þig hafa

   1. Sjálfstraust

   2. Sjálfsvirðing

   3. Sjálfsálit

   4. Sjálfselska

   5. Sjálfsmynd

2. Lestu glæruna um sjálfsmynd og 3 hluta hennar. Skrifaðu svo um þína sjálfsmynd út frá þessum 3 hlutum og hversu vel þeir passa saman. 

3. Hvað ógnar sjálfstrausti fólks almennt og hvað finnst þér ógna þínu sjálfstrausti?

4. a. Hvað einkennir fólk í samskiptum sem hefur annars vegar gott sjálfstraust og hins vegar lélegt sjálfstraust? b. hvað einkennir þitt sjálfstraust? (lýstu því t.d. með dæmum í samskiptum). 

5. Það má segja að sjálfsstyrkur sé hinn gullni meðalvegur milli uppburðarleysis annars vegar og yfirgangssemi hins vegar. Komdu með dæmi úr daglega lífinu sem sýnir muninn á sjálfsstyrkingu, uppburðarleysi og yfirgangssemi – má líka vera tilbúið dæmi en þarf að vera búið til af þér.

6. a. Hver er þín kjarnahugmynd (sjá glærur)? Ljúktu við eftirfarandi setningu: ÉG ER…….

   b. Hvaðan kemur þessi skoðun?

   c. Hvenær myndaðist hún?

   d. Hefur hún jákvæð eða neikvæð áhrif á þig?

   e. Á þessi skoðun enn við í dag?

   f. Þetta er þín skoðun en telur þú að þetta sé skoðun annarra og/eða sé staðreynd?

7. Hvernig er hægt að bæta sjálfsöryggi sitt?

8. Í greininni sjálfsskoðun er fjallað um þrjá þætti: forvitni, samþykki og hlýju - lýstu hvað felst í þessum þáttum í sjálfsskoðun og getur sjálfsskoðun leitt til verri líðan? færðu rök fyrir svarinu. 

Gangi þér vel,

María.