Maður og trú: Spurningar til ígrundunar

Veltið eftirfarandi fyrir ykkur við lestur 1. kafla í kennslubókinni Guðirnir okkar gömlu.

1.  Að hvaða leyti hafa trú og samfélag haldist í hendur gegnum tíðina? Hvaða dæmi sérðu í kaflanum um það.
2. Hvers vegna skapaðist þörf fyrir trúarbrögð?
3. Hvað felst í hugtakinu goðsögn og í hvaða fjóra flokka má skipta þeim. Á hverju grundvallast sú skipting?
4. Hvaða hugtak notuðu heiðnir menn yfir trúarbrögð sín?
5. Hvað hafa ýmsir þjóðfélagsgagnrýnendur sett út á trúarbrögð?
6. Skörp tvíhyggja er einkennandi fyrir mörg trúarbrögð? Hvað felst í því?
7. Hver er munurinn á þjóðtrú og trúarbrögðum eins og kristni og íslam?
8. Hvers vegna eru frumstæð samfélög viðkvæmari en þróuð samfélög Vesturlanda?
9. Hvers vegna færðu menn guðunum fórnir og af hvaða tilefni?
10. Í Hávamálum er lögð áhersla á að menn skiptist á gjöfum. Hvernig tengist það fórnum til guðanna?
11. Hvað eru álagablettir og hvað getur gerst ef menn virða þá ekki?
12. Hvað getur haft áhrif á fjölgun goða tiltekinna trúarbragða?
13. Hver er táknræn merking árstíðanna í trúarlegum og bókmenntalegum skilningi.
14. Hver eru einkenni frjósemisdýrkunar og hvað einkennir helgigripi sem henni tengjast.
15. Hvert er hlutverk trjáa í frjósemisdýrkun og hvernig tengist það norrænni goðafræði?
16. Hver er kjarninn í goðsögunni um brúðkaup Freys og Gerðar?
17. Hvernig eru hugmyndir manna um líf eftir dauðann mismunandi milli trúarbragða?
18. Hvers vegna nutu járnsmiðir sérstakrar virðingar?